تحليل | Destination X 2017 , مسار الإدارة !

مرحبا بكم اعزائي زوار و محبين موقع أكاديمية المصارعة في تحليل عرض Destination 2017

 في النزال الأول سيينا تهزم غيل كيم في 7:02 د و حققت المباراة نجمتين ونصف .

في طوال اخر عشر اعوام ما اذكر اني شفت نجمة عندها الاستمراريه هذي مثل غيل كيم ! يا جماعة ترا هذي الي شفتوها عمرها 39 سنة !! وهذا ادائها .. من جيل ليتا تعتبر , بدون ما اكذب خلال العشر سنوات ماشفت او سمعت بنجمة بعالم المصارعة افضل منها في الاداء باستثناء شارلوت ! ( ماني متعمق بالفئة ولا اقدر اجزم )  تربل اتش مثل ما يقال أن ندم على قرار فينس بطردها بحجة انها ماتنفع بالسوق حقه حينها ...! بالنسبة للنزال اتوقع نتيجته تغيرت بعد سحب الالقاب من البرتو بنسبة كبيرة ! و من الحكمة تغييره ... القرر اتوقع كان فوز غيل كيم بلقب النوكاوتس للمره السابعة وتنفرد بالصداره بعيدا عن انجلينا لوف و بعدها تسلم اللقب وتقام بطولة عليه بين 8 نجمات بعد التوقيع من النجمة الكندية تايا و نجمتين جدد من اتحادات انديزيه صغيره , لكن اتوقع انهم غيروا الفكرة ومابغوا تسليم لقبين بليلة واحدة ..! الخبله الي رجعت هذي تيرن تورال ( ماهو حنا ناقصنا زيادة على لورال فان نيس )  وهي اطول من حملة اللقب و هي مديرة عرض ECW سابقا باسم تيفاني , ما عندي توقع حول المبتغى من عودتها .

عودة جيم كورنيت ... اشوف كثير ناس زعلانين و يشوفونها سقطه جديدة ! رغم ان عودته استعدتني احسه بيضيف شي على فريق الكتاب اضافة الى ان بروس بارشارد راح يقتصر شغله بالكتابه وهذا الي كنت اطالب فيه من زمان ... بالنسبة لدور المدير العام انا كنت ارشح له جوزيف بارك ..! بحيث انه يدف بـ ابيس إلى ان يحقق لقب العالم , غير شخصية بارك الجملية بالتعامل مع المصارعين ...

قبل ما انسى صحيح وش ذي الوان الحبال الفسفوريه ؟! يعني تغير مثلا , تكفون رجعوا لنا الحبال الزقاء او السوداء عيوني راحن فيها ...! و اما شكل الالقاب ذكرني بحركة NXT كل الالقاب اشكالها متشابهه , الالقاب اشكالها سيئة خصوصا الفرق , الاكس ديفجن يعني يمشي حالها , و لقب العالم صار يشبه لقب ROH ...! بطريقهم ياريتهم ولعوا بالقراند ...

في النزال الثاني ديزموند اكزافير يهزم ايشيموري في 8:56 د وحقق النزال 3 نجمات ...!
النهائي السيء ... اول شي المفروض هذا افتتاح العرض ثاني شي وش وراك يوم تعطيهم 8 دقايق بس !! واضح عليهم انهم محصورين بالاداء للاسف !! لو اعطيتهم 15-20 دقيقة مع كامل الحرية على الحلبة بيطلعون لنا مباراة 4 نجوم اقل شي تنقذ العرض , وثالث شي وش ذا الفينشر الي سواه ديزموند ؟؟؟؟! ماهو هذا فينشر خوينا , للاسف مباراة نتيجتها معروفه و الاداء فيها كان اقل من المطلوب , ولكن اتوقع السبب هو اتحاد NOAH لأن ايشيموري هو بطل الجونيور + بطل الزوجي للجونيور و ماودهم يخاطرون فيه .

في النزال الثالث سونجاي دوت يهزم ترافر لي في مباراة سلالم ويحافظ على اللقب خلال 16:03 د و حقق النزال نجمتين و نصف فقط !

الاثنين عندهم امكانية يقدمون مباريات جميلة و خذوا الوقت ...

اعتقد أن سونجاي دوت هو الي رافض فكرة المباريات الخطرة لانه اكثر من مره يصرح ويبلشنا ان عنده عيال و عمره 35 كأن مافيه احد غيره عنده عيال ): اذا مانت قدها اخسر اللقب من البداية , ترافر لي نجم مغمور صغير متعطش يعطيك مباريات قوية تجي انت تبلشنا ؟! رغم ان سونجاي مؤدي رهيب , ظهور بيتي ويليامز كان مفاجئ واتمنى يفكونا منه اذا بيدخلونه على الاكس ديفجن او اذا عندهم له سيناريو بيكون شي جيد متواضع لاني اعرف قدراته ... انسب شي تخليه يرحع يأسس تيم كندا يروح يجيب 4-3 مواهب من كندا و يشتغلون تحته بحيث يبنيهم وبعد 6-8 شهور اول مايقدرون يمشون لحالهم يقلبون عليه بيكون شي جيد ويعيد لنا شي من الزمن الجميل .

النزال الرابع فريق OVE يهزمون فريق جوبر

فريق اخوة كريست من الفرق الي لها سمعه في الاتحادات الانديزيه اشوفهم جاهزين يدخلون ع خط الفرق و بيكون فريق رائع جدا بس اخطئوا باعطاهم الشخصيات , تعرفون لو بعطي اليستر بلاك عصابة بحط الاثنين ذول تحته ... الشخصية الي تناسبهم الدخله المظلمه مع الدخان بدون تيشيرت مع الوشوم و يعطونهم ملابس سوداء مع بيضاء بياخذون كريزما عالية جدا ! ادائهم ترا مره رائع و لكن للاسف فئة الفرق ينقصه فريق محبوب حقيقي غير غارزا و لاريدو اما OVW ماينفعون فيس ...

النزال الخامس مات سايدل يهزم بوبي لاشلي في 14:52د وحقق النزال نجمتين وثلاث ارباع !

  نزال غريب !! نهايته ما اعجبتني اطلاقا , هذا للامانة ماهي الطريقة الصحيحة لبنائه كمصارع ماين ايفنترز ابدا مو كذا فيه عندك 6-8 مصارعين اعلى منه بالراحة ... اذا كنت بتقولي جسمه مايساعده يدخل مع لاشلي , رح شف كيف ادخلوا فين بالور مع ساموا جو ... بتقولي فارق القدرات و الاساليب و مدري كيف ... كل شي له حل المباراة موزعه كذا بوبي 80% سايدل 20% ...! و الرتم مره بطيء على الاقل خل المباراة سريعه لاتخلي المتابع يحس بالفرق بين الطرفين حتى لو كنت مضظر تنزل من وقت النزال , رغم انه برأي قادر يجاريه بربع ساعه و يقدم ثلاث نجوم ونصف بالراحة بس كالعادة لاشلي لازم يمردغ اي واحد تحته .

 

أفضل مصارع في العرض	غيل كيم
أفضل مباراة في العرض	ايشيموري (ضد) ديزموند
أفضل لقطة في العرض	عودة كورنيت
تقييم العرض	6